"Letter from GOD to habeshan people"

Posted 1 year ago in . 277 Views

A poem by my favorite poet...."በላይ በቀለ ወያ"

"Letter from GOD to habeshan people"

*እግዜር ለሐበሻ የፃፈው ደብዳቤ*
(በላይ በቀለ ወያ)

እንዴት ነህ ሐበሻ - ምድርህስ እንዴት ነው?
እመጣለሁ ብዬህ
ከቀጠርሁህ ቦታ - ጠፋህብኝ ምነው?
እኔማ ይኸውልህ
ለእልፍ አእላፍ መላእክት - ትእዛዜን ሰጥቼ
ከቀጠርኩህ ቦታ - ላገኝህ መጥቼ
ተመልሼ ሄድሁኝ
ሐበሻ መሚመስል - አንድ ሀበሻ አጥቼ።
እንደውም እንደውም
"ሌሎችን ለመሆን - ቀን ተሌት ሚለፋ
ለሌሎች ታሪክ ሲል - ታሪኩ የጠፋ
ሐበሻ ምድር
ታሪክ ማውራት እንጅ - ታሪክ መስራት ቀወ።"
እያሉ የሚያሙህ
የመላእክትን ቃል - ሰምቼ ነበረ።
እኔ ምልህ ሐበሻ
እውነት እንደሚያሙት
በሐበሻ ምድር ላይ - ታሪክ መስራት ቀርቷል?
አክሱም ላሊበላ
ዛሬም ይናገራል - ዛሬም ይተረታል?
እንደውም ልንገርህ
አውቆ ጠያቂ ነኝ! ሐበሻነት ጠፍቷል።
ድሮ እኮ ሐበሻ
የዳዊትን ወንጭፍ - ጠይቆኝ አያውቅም
"ዘራፍ " ሲል ይገላል - ከፎከረ አይለቅም
ድሮኮ ለሐበሻ
ለእልፍ አ'ላፍ ጎልያድ - ከቶ አይጨነቅም።
ድሮኮ ሐበሻ
ለሚኖርበት ቤት - አያውቅም ተጨንቆ
"ኤሎሄ " በማለት
ቤት እንድጥልለት - አያውቅም ጠይቆ
ድሮኮ ሐበሻ
ቤት ከስራ ኋላ
ጥሎ ነው ሚሄደው - ለእንቦሳ ለቆ።
ድሮኮ ሀበሻ
ሙሴ በትርህን - አውሰኝ አይልም - ባህር ለመሻገር
ከሌሎች የሚሻል
አለው የራሱ ምድር - አለው የራሱ ሀገር።
የሆነው ሆነና
ምድርህ እንደምነው?
እመጣለው ብዬህ
ከቀጠርሁህ ቦታ - ጠፋህብኝ ምነው?
እኔማ ይኸውልህ
ለእልፍ አእላፍ መላእክት - ትእዛዝ ሰጥቼ
ከቀጠርኩህ ቦታ - ላገኝህ መጥቼ
ተመልሼ ሄድሁኝ
ሐበሻ የሚመስል - አንድ ሀበሻ አጥቼ

"እንቅልፍ እና ሴት" ከተሰኘው መድብል የተወሰደ ገፅ፦69 - 70 )
#ገፅ

Tags: selam social,

Living in Ethiopia